حجاب رمضـــــــــــان

تعالى يا بنوتة هقولك كلمة الموضوع طويل شوى بس هيعجبك يا ريت تقرأيه للاخر

حجاب رمضـــــــــــان

كــل سنه وانتوا طيبين ،، جه رمضان اللى بنستناه من السنه للسنه
وربنا يعيده عليكم باليمن والبركات

والشخبوطه دددى بالذات للبنات ،

أولا حجاب رمضان:
ده حاجه كده البنات بتجيبها تلبسها فى رمضان بـــس عشان ما ينفعش تخرج فى رمضان لابسه قالع زى طول السنه
بس بيكون حجاب كاجوال وشيك

يعنى ايــه بقى حجاب كاجوال وشيك؟؟
يعنى
عبايه مثلاااا بس ضيقه من عند الجانبين وخط الاستواء ومبينه كل خطوط الطول
والعرض ولازم تبقى مفتوووحه من خط المنتصف عشان تبين البنطلون الكراش
اللى تحت العبايه

وفوق ده كله 7 أدورا من الطرح الفاقعه وتحتهم قبه كبيــــره اوووووى ماحدش عارف عاملينها ازاى

هو ده حجاب رمضان ،، مع اختلاف بسيط من كل قطه للتانيه

واول ما رمضان يخلص تلاقى اليوم اللى بعده علطووووول
يوم العيد يعنى فى الصلاه البنات قلعت أكتر ما لبست وحاجات ما تتلبسش فى البيت
ومعرفش ازاى لبسوها بره..

لو الحجاب طرحه بس او تغطيه شعر كنت هقولك مــاشى غطى شعرك وما تلبسيش اى حاجه تانيه

انما الحجاب : يعنى بنستر حاجه عن كل العيون
بنسترررها يعنى بنخبيها وماحدش يشوفها

مش استهبال بقى وتلبسى ضيق وحاجات مُلفته للنظر ويبقى انتى كده عملتى اللى عليكى وزياااده

ومن شروط الحجاب اصلا لو هنتكلم صح

واسع ، فضفاض ، لا يصف ، لا يشف ، غير مُلفت للنظر


الواسع انتى ضربيته وجبتى كل حاجاتك ضيقه
ولما بيكون فضفاض بتروحى للترزى يعملوا على قد اختك الصغيره
وبعدين تلبسيه انتى

لا يصف يعنى لما حد يبص عليكى ما يعرفش انتى دراعك ولا رجلك ولا ولا ولا ولا قد ايــــه

طبعااااا العكس حصل كل اللبس بيفصل الجسم فوق وتحت

لا يشف دى بقى نكته الصيف
تقولك الجووو حررر ومش قادره
وتبريراً للحاجه دى تلبس شيفون
الله الله الله

الشيفون ده يتلبس فى البيت يا قطتــى
مش بره قدام الناس كددده

طب افرضى عندك حسنه فى درعك ! الولا ابن الجيران الاهبل يشوفها ويفضل طول النهار
يصفرلك مالبلكونه ويقولك اطلعيلى يا ام حسنه ؟؟

ويا عالم بقى يكون شاف اى حسنات فى اى حتت تانيه ولا لاء

نيجى للشرط الأخير
غير مُلف للنظر

يعنى ايــه
يعنى ما يخليش حد يبص وعينه تفضل عليكى ربع ساعه مثلا
عشان مش عارف انتى لافه الطرح ولا عامله القبه ولا الصف الغريب ازاى
ولا الوانه فاقعه تخلى الناس تبص
يعنى ما يلفتش النظررررر خاااالص
مش مهرجان أعياد الطفوله اللى بيحصل فى الحجاب

سواء كان طُرح أو لبــس

ده غير ان فى بنات وانا آسفه لما هقول أكتر من نصهم بيلبسوا بناطيل
وناسيه ان ده تشبه بالرجال

وانا دلوقت مش هقولك لعن الله النساء المُتشبهات بالرجال

بس هقولك ان المنظر بيبقى مش لطيف ابداااااا
وحتى لو بنطلون واسع ما ينفعش لان الرقه مش فى بنطلون
ولا الاستايل فى لاجنز ولا الحاجات الغريبه اللى ما بقتش أعرف اسمها

والألتزام فى اللبس هيخليكى أحلى وتبقى من جواكى مرتاحه
ومش معنى انك محترمه تبقى من جوه بس وناسيه الإحترام الخارجى
وانا عارفه ان الاحترام مش باللبس
وهتقولى ما فى بنات لابسه ملاحف واسدالات ومنتقبات كمان
ومش كويسين

دول ربنا يهديهم لانهم اساءوا لنفسهم وللحجاب
وما تنسيش ان فى بنات برده مش محترمه فى لبسها
ومش محترمه داخليا كمــان
دى بتسئ لمين دلوقت!!
ليكى مش كده
؟؟

بس ربنا أمرنا بالحجاب
وده يخليكى تقولى عشان ربنا انا هلبس اللى قال عليــه

حجاب صح واسع فضفاض ، لا يصف ولا يشف ، وغير ملفت للنظر

وعلى فكره الملتزمين دمهم مش واقف ولا رخمين
دمهم